Centar.mk – Вести, бизнис, забава, спорт…
CentarСветТОП ВЕСТИ

(ВИДЕО) Масовно пукање во стоковна куќа во САД, има мртви: Менаџерот на маркет ги застрелал вработените?

Во масовното пукање што се случи во стоковната куќа „Волмарт“ во американската сојузна држава Вирџинија, неколку лица се убиени и ранети.

Според првите резултати од истрагата, менаџерот на маркетот најверојатно ги застрелал вработените. Засега се верува дека целиот инцидент се случил внатре во продавницата, меѓутоа полицијата соопшти дека телото на едно лице било пронајдено надвор од продавницата, пишува Би-би-си.

Повеќе детали ќе бидат познати по завршување на истрагата и истрагата.

Во масовното пукање загинаа најмалку десет лица, меѓу кои и напаѓачот, но се уште не се знае дали тој се самоубил или бил елиминиран од полицијата.

Се уште не е познат мотивот за нападот.

Локалните медиуми јавуваат дека најмалку пет лица се хоспитализирани, но се уште не се знае колку луѓе се повредени и загинати.

Сенаторката од државата Вирџинија, Луиз Лукас, изјави дека и е многу тешко поради се што се случило.

– Нема да мирувам додека не најдеме решенија за ставање крај на оваа епидемија на насилство во нашата земја – напиша таа на Твитер.