Девојче (13) кое било нападнато на пат од училиште било пронајдено врзано за дрво со пластични вратоврски во близина на германскиот град Остбеверн. Ја пронашле градежни работници кои повикале брза помош, јавува германски RTL.
Девојчето наводно било пронајдено во несвест. Нејзиниот велосипед и ранец биле пронајдени во блискиот канал. Според полицијата, 13-годишната девојка одела со велосипед до училиште кога била киднапирана и одведена во шума во близина на Остбеверн. На прашањето на РТЛ, полицијата само потврди дека се работи за „невообичаена ситуација“. Девојчето е пренесено во болница во онесвестена состојба, каде рекла дека не се сеќава на ништо.
Се уште е нејасно што се случило и кој е одговорен за делото, засега нема докази за силување, изјави портпаролката на полицијата.
