Украинскиот претседател Володимир Зеленски ги коментира нападите утринава врз Киев.
„Цела ноќ и цело утро непријателот ги тероризира цивилите. Беспилотни летала и ракети ‘камикази’ ја напаѓаат цела Украина“, истакна Зеленски.
„Погодена е станбена зграда во Киев. Непријателите може да ги нападнат нашите градови, но нема да може да нè разбијат. Окупаторите чекаат праведна казна и осуда на идните генерации. Ќе избереме победа“, напиша Зеленски на „Телеграм“.