Членот на украинскиот преговарачки тим, Михаил Подољак, зборуваше по говорот на рускиот претседател Владимир Путин на воената парада по повод Денот на победата во Москва.
Тој му порача на Путин дека земјите од НАТО не сакаат да ја нападнат Русија, а на својот „Твитер“ го напиша следново:
„Украина не планира да го нападне Крим. Руските војници умираат, не ја бранат својата земја, туку се обидуваат да окупираат друга. Од почетокот на војната немаше други рационални причини за нејзино почнување, освен болните империјалистички амбиции на Руска Федерација“, напиша Подољак.
Да потсетиме, претседателот на Русија денеска се обрати пред многубројната публика на воената парада.
„Наша должност е да го зачуваме споменот на оние за кои победивме и да не ја повториме глобалната војна. Во претходните години се обидовме да ги одржиме мировните договори, но тие не сакаа да не слушаат. Тие имаа сосема поинаков план. Сега го гледаме тоа. Според нашата територија, тоа е апсолутно неприфатливо. НАТО работи со украинските нацисти, Украина го доби најмодерното оружје. Одлуката за специјална воена операција беше единствената правилна“, рече Путин во обраќањето.
