Европската комисија донесе одлука да не ги обновува договорите за вакцини против Ковид-19 со компаниите „АстраЗенака“ и „Џонсон и Џонсон“ за следната година, објави денес италијанскиот весник „Стампа“, повикувајќи се на извор од италијанското Министерство за здравство.
„Европската комисија, во договор со водачите на многу земји на ЕУ, одлучи да склучи договор со компаниите што произведуваат (вирусни векторски) вакцини, кои важат за тековната година, и нема да бидат обновени по истекот на рокот“, пишува весникот.
Се додава дека Брисел ќе претпочита да се фокусира на вакцините против Ковид-19 кои користат mRNA технологија, како што се вакцините на „Фајзер“ и „Модерна“.
Спонзорирано:
