31.8 C
Скопје
16. јуни 2024
Centar.mk – Вести, бизнис, забава, спорт…
КОРОНАВИРУССВЕТИЗБОР

СДСМ: Сè е подготвено за почеток на масовната имунизација

„Здравствениот систем е подготвен за почеток со масовната имунизација против коронавирусот откога институциите предводени од СДСМ ги надминаа сите предизвици во врска со вакцинацијата. Навреме се набавија соодветни фрижидери за складирање на вакцините, беше направен прецизен план за вакцинација на населението, а првиот контингент вакцини веќе пристигна во државата како поддршка од пријателска Србија. Веќе од утре први ќе се вакцинираат здравствените работници, кои во изминатиот период се во првите борбени редови против Ковид-19, кои секојдневно се изложени на ризик од коронавирусот и пожртвувано се грижат за заболените“, соопшти СДСМ.

Според партијата, набргу се очекува да пристигнат и вакцините од Кина, со што засилено ќе продолжи вакцинацијата на населението.

„Додека институциите предводени од СДСМ се посветени на решавање на предизвиците и работат во интерес на граѓаните и јавното здравје, ВМРО-ДПМНЕ предводена од Мицкоски во текот на пандемијата се однесува деструктивно, шири лажни вести, ги прекршува мерките за заштита, се обидува да го поткопува здравствениот систем и напорите за справување со пандемијата. Граѓаните знаат дека СДСМ се грижи за нивното здравје, а Мицкоски се грижи само како да си ја зачува фотелјата во белиот дворец. Затоа, шест пати загуби на избори, затоа уште долго ќе остане во опозиција“, се вели во соопшението.