Конвој што носи опрема за американски единици беше цел на напад во близина на граничниот премин Ирак-Кувајт. Првично не било јасно дали во конвојот има американски војници и дали има повредени во експлозијата, а ирачката страна негираше дека се случил инцидентот, пренесува Ројтерс.
Извор за безбедност соопшти претходно дека експлозијата е предизвикана од ирачката шиитска муслиманска милиција, која била насочена кон американската воена база близу до преминот, и дека неколкумина вработени во таа база биле повредени.
Ова подоцна било демантирано од други безбедносни извори кои изјавиле дека конвојот бил нападнат, а не базата. Малку позната ирачка шиитска група по име Ашаб ал Кахф ја презеде одговорноста за нападот и објави видео со кое се гледа експлозијата во далечината.
