Во текот на изминатиот ден во светот се регистрирани скоро 203.000 нови случаи на коронавирус, со што вкупниот број на заразени изнесува 14,76 милиони, според податоците на Светската здравствена организација (СЗО).
Повеќе од четири илјади лица починале, со што бројот на смртни случаи надмина 612 илјади.
СЗО прецизира дека се пријавени 202.726 нови случаи, што е помалку од претходниот ден, кога имало повеќе од 213.600.
Бројот на починати исто така се намалил, со оглед дека претходниот ден имало 5.111.
Најголем број новозаразени се пријавени во Северна и Јужна Америка, 109.052, со што вкупниот број заразени во овие делови од светот е 7.811.175.
САД сè уште имаат најголем број пријавени случаи, по што следат Бразил, Индија, Русија, Јужна Африка и Перу.
СЗО објавува официјални податоци добиени од земјите-членки.
