Московската полиција ја уапси членката на руската група „Пуси рајот“, Вероника Никулшинa, поради обвиненија за користење дрога, изјави руски официјален претставник за „Интерфакс”.
Како што објави АП, московската полиција ја уапси Никулшина вторпат за еден месец, а таа претходно беше во затвор поради протестирање на членовите на групата „Пуси рајот“ за време на Светското фудбалско првенство минатата година.
Пјотр Верзилов, еден од членовите на бендот, на „Твитер“ објави дека покрај Никулшина, московската полиција уапсила уште шест нејзини пријатели, кои немале никаква врска со групата „Пуси рајот“.
Член на Руската јавна комисија за посматрање, Евгениј Јаникиев, за „Интерфакс“ изјави дека ако се покаже дека е виновна за користење дрога, на Никулшина ѝ се заканува казна затвор од 15 дена.
