На крстосницата од булеварот 12. македонска бригада со улицата Димитар Туриманџовски, во утринските часови на 31 јануари, автомобил „фолксваген венто“ удрил во пешак, односно 41-годишна жена од Скопје.
Автомобилот со кумановски регистарски таблички го управувал 35-годишник од кумановското село Лопате.
Жената била пренесена на комплексот клиники „Мајка Тереза“, каде што од страна на лекар ѝ биле констатирани тешки телесни повреди.
Увид на местото на настанот извршила полициска екипа од СВР Скопје и се работи на целосно расчистување на случајот.