Двајца странски државјани во текот на вчерашниот ден биле уапсени на скопскиот аеродром бидејќи кај нив биле пронајдени неколку фалсификувани патни исправи.
„На 29 јануари во 18.25 часот на граничниот премин ‘Аеродром Скопје’ при пасошка контрола било констатирано дека патните исправи на лицата П.Б., на возраст од 34 години, и Е.Ф. на возраст од 35 години, двајцата од Шпанија, биле фалсификувани. При дополнителна контрола кај нив биле пронајдени и патни исправи на име О.Н., на возраст од 35 години, и O.Л., на возраст од 34 години, од Република Турција“, соопштија од полицијата.
Од МВР посочија дека лицата биле приведени и по 23 часот, тие веднаш биле предадени на полициски службеници од регионалниот центар за гранични работи „Север“ за понатамошна постапка.
