Добрата вест е што претседателот Ѓорге Иванов си заминува бидејќи тој е последен остаток од режимот на Никола Груевски, изјави пратеникот на СДСМ, Коста Костадинов.
Според него, Иванов десет години бил марионета на режимската ВМРО-ДПМНЕ и во тој период не излегол во јавноста за да се обрати за клучни прашања како што се – гушењето на демократијата, затворањето на медиумите и кршењето на човековите права.
„Со противењето на договорот од Преспа тој е против ЕУ и НАТО и јасно ја покажува неговата улога на антизападен политичар”, рече Костадинов. Тој вели дека пратениците бурно реагирале и довикувале за време на говорот на претседателот бидејќи бил полн со лаги и со невистини, ги навредил пратениците и демократскиот дом и ги потценил граѓаните.
