Академик Блаже Ристовски почина синоќа во Скопје на 87 години, соопшти Македонската академија на науките и уметностите (МАНУ).
Тој е уредник на првата Македонска енциклопедија во издание на МАНУ. Со научна дејност почнал да се занимава уште по запишувањето на студиите, а првиот истражувачки труд го објавува во тогашниот орган на Катедрата за јужнословенски јазици – македонски јазик. Во 1988 бил избран за дописен член на МАНУ, а во 1996 за редовен член.
Комеморацијата е закажана за утре во 10.30 часот. Ристовски ќе биде погребан во 13 часот на Градските гробишта „Бутел“.
