Населението од источниот брег на САД е илјадници милји далеку од западниот брег и од пожарите што ја погодија Калифорнија.
Иако се безбедни од далечните пожари, и тие ги чувствуваат неговите ефекти оваа недела.
Според фотографиите и проекциите на Националното здружение за океани и атмосфера, облаците чад од огромните пожари во Калифорнија патувале повеќе од 3.000 километри и пристигнале до Њујорк. Како што пишува Си-ен-ен, чадот ќе продолжи да патува кон Атлантскиот Океан.
Фотографиите на Њујорк, објавени во понеделникот вечерта, потврдија дека чадот е видлив и формира еден вид магла на хоризонтот.
Најмалку 79 лица загинаа во пожарот, а иако облакот од чад во Њујорк само се наѕира, луѓето што се поблиску до пожарот се изложени на ризик од здравствени последици поради вдишување чад.
