Да се заспие на работа не е баш добра идеја, но доколку никој не ве фати, тогаш тоа не е нешто страшно. За жал, ова не може да се каже и за еден случај на аеродромот во Канзас Сити.
Имено, вработен на овој аеродром, кој работел на товарење багаж во авионот, заспал во делот на авионот предвиден за багаж и одлетал за Чикаго.
Дваесет и седумгодишното момче дури и не почувствувало кога авионот слетал, па вработените на аеродромот во Чикаго го пронашле во багажникот. Не е познато дали тој спиел цело време или се разбудил во средината на летот.
Портпаролка на компанијата „Американ ерлајнс“ изјави дека работникот случајно заспал и дека по слетувањето немало потреба да добие медицинска помош.
Иако авиокомпанијата била загрижена за неговото здравје, сигурно не била задоволна и од неговото однесување, кое сепак јавно не го коментирала.
