Партијата за правда и развој на актуелниот претседател на Турција, Реџеп Таип Ердоган, освои 49, 93 отсто од гласовите на парламентарните избори, покажуваат првичните резултати врз основа на 18,72 отсо пребројани гласови.
Исто така, врз основа на 40 отсто пребројани гласови, на изборите за претседател во водство со 57,02 отсто е Ердоган. Неговиот главен противкандидат Мухарем Инџе освоил 28,3 отсто од гласовите.
Турските медиуми објавија дека од 7 отсто од пребројаните гласови во Франција, Ердоган е во водство со 70, 34 отсто гласови, додека Инџе има поддршка од 11 отсто.
Од 8 отсто пребројани гласови во Велика Британија, пак, води Инџе со 51,47 отсто гласови, додека Ердоган е на трета позиција со поддршка од 22,12 отсто.
Медиумите прогнозираат дека е многу извесно Ердоган да освои нов мандат уште во првиот круг.
