Во кругот на фабриката „Железарница“ синоќа избувнал пожар. Според информациите од Градот Скопје, пожарот бил изгаснат и нема повредени. Во гасење на пожарот биле ангажирани 9 возила со 21 пожарникар.
„Од засега непознати причини, околу 21:30 избил пожар во кругот на ‘Железарница’, на местото викано Челичарница, отпад за старо железо“, информираат од Градот Скопје.
Првично во гасење на огнот реагирале службите на „Железарница“, а потоа побарале помош од Противпожарната бригада на Град Скопје.
