Премиерот Зоран Заев денеска ќе ја посети општина Дојран каде што ќе се вклучи и во акцијата за уредување во организација на ЗЕЛС. Потоа тој ќе присуствува и ќе има свое обраќање и на 27. меѓународен фестивал Пролетни веселби „Хид Бах Шен Фест“ што се одржува во селото Чалакли, општина Валандово.
Во 10:30 часот претседателот на Владата, Зоран Заев, ќе се сретне со градоначаликот на општина Дојран, Анго Ангов, по што заеднички ќе се вклучат во акцијата за уредување и чистење што по иницијатива на ЗЕЛС се спроведува и во Дојран.
Во 12 часот претседателот на Владата ќе присуствува и ќе има свое обраќање на меѓународниот фестивал Пролетни веселби „Хид Бах Шен Фест“ (с. Чалакли, Валандово).
