Поранешниот лекар на Доналд Трамп изјави дека тој не го напишал писмото за зачудувачки одличната здравствена состојба на тогашниот републикански кандидат за претседател во 2015 година, објави Си-Ен-Ен.
“Трамп го диктираше целото писмо”, изјавил Харолд Борнштајн за Си-Ен-Ен.
Белата куќа се уште не ги коментирала наводите на лекарот.
Борнштајн, исто така, рекол дека телохранителот на Трамп извршил рација во неговата канцеларија во февруари 2017 година и ги отстранил сите медицински досиеја на Трамп.
Во интервју за Си-Ен-Ен, доктор Борнштајн изјавил дека во писмото од 2015 година, во кое се укажува дека Трамп е најздравиот човек кој некогаш бил избран за претседател, не е негова професионална проценка.
Не е јасно зошто Борнштајн ги открива овие наводи токму сега.
