Триесетдневен притвор доби велешанецот кој со секира ги нападнал вработените во свињарската фарма во Велес. Според велешкото обвинителство, притворот му е определен бидејќи постојат околности што укажуваат на опасност од бегство, влијание врз сведоци и повторување на кривичното дело. Дваесет и шестгодишниот велешанец ќе одговара за обид за убиство и за загрозување на сигурноста бидејќи на 1 април околу 20.30 часот во објект на свињарска фарма во пијана состојба нападнал едне од присутните.
„Во моментот кога во објектот дошол оштетениот, му се обратил со повеќе пцости упатени до него и неговото семејство. Потоа осомничениот извадил нож и со него на оштетениот му нанел неколку убоди нанесувајќи му со тоа телесна повреда. Потоа зел од објектот една секира и со неа се упатил кон другите присутни заканувајќи им се дека ќе ги убие, со што ја загрозил сигурноста на оштетените“, соопшти обвинителството.
