Британец, кој бил запрен од сообраќаен полицаец поради прекршок при возење, ја влошил ситуацијата кога на полицаецот му покажал возачка дозвола со фотографија од Хомер Симпсон покрај своите податоци и потпис.
На фотографијата Хомер се држи за главата исто како кога го изговара своето познато „Доох“, а адресата е во американскиот град Спрингфилд.
Полицијата на „Твитер“ ја објави лажната фотографија, а подоцна се дознало дека и адресата била лажна, односно дека познатото семејство Симпсон во познатата цртана серија не живее на дадената адреса.
Возилото е запленето, а возачот приведен поради возење без осигурување и прописна дозвола.
