Во рамките на редовниот извештај во кој се анализира состојбата на секоја од земјите членки, ЕУ остро ја искритикува Хрватска.
Европската комисија наведе дека Хрватска отстварила ограничен напредок во ланските препораки и дека воопшто не напредува во структурните реформи.
Претседателката на Хрватска, Колинда Грабар-Китаровиќ, оцени дека извештајот на Европската комисија потврдил дека земјата заостанува и не се развива со предвидената динамика.
„Заостануваме и не се развиваме со онаа динамика што би ни овозможила да фатиме чекор не само со неразвиените земји во ЕУ туку и со оние со кои до вчера бевме изедначени, ако не и поразвиени“, наведе Грабар-Китаровиќ.
Додава дека во извештајот се нагласени проблемите што и таа ги нагласувала веќе некое време, како што се недостигот од структурни реформи, слабоста и нискиот развоен потенцијал во структурите на хравтската економија, потребата од реформи во образованието, судстството, здравството, како и капацитетите на јавната администрација
