ВМРО-ДПМНЕ, партијата што преку криминалното и расипничко владеење стана најбогата партија во Европа додека мнозинството граѓани тонеа во долгови и сиромаштија, нема ниту минимален кредибилитет да зборува и да глуми загриженост за социјалната заштита, реагира СДСМ на обвинувањата на Ирена Попова од ВМРО-ДПМНЕ.
„За разлика од таквиот однос кон граѓаните од страна на ВМРО-ДПМНЕ, СДСМ работи на унапредување на социјалната заштита и системско извлекување на граѓаните од сиромаштијата.
СДСМ преку Владата и парламентарното мнозинство што го предводи веќе подготвува нов закон за социјална заштита, кој треба да биде донесен оваа година.
Во новиот закон предвидени се воведување минимален адекватен приход и значително зголемување на социјалната помош, чиј износ нема да биде ист за сите, туку ќе биде приспособен на индивидуалните потреби на корисниците“, велат од СДСМ.
