Во текот на ноќта времето ќе биде облачно и студено со пообилни врнежи од снег, информираат од управата за хидрометеоролошки работи.
На север и долж Повардарието ќе остане поизразен северозападен ветер.
Оттаму додаваат дека до 16 часот денеска најмногу снег наврнал во Маврово односно 56 сантиметри, 31 во Лазарополе, 20 во Пожаране, 5 во Ѓуриште и Тополчани.
2 см наврнале во Тетово, Штип, Претор и Битола и по 1 сантиметар во Скопје, Прилеп и Охрид.
Во текот на утрешниот ден, врнежите ќе се префрлаат кон исток и ќе бидат пообилни во претпладневните часови, особено во југоисточните делови.
Насекаде ќе се формира снежна покривка.
Во Скопје утре ќе биде облачно и студено, со слаб до умерен северозападен ветер и со врнежи од снег особено претпладне.
Температурата ќе биде во интервал од -2 до 0 степени.
