Советот за безбедност на ОН усвои резолуција со која ги повикува страните во конфликтот во Сирија да престанат да се борат најмалку 30 дена и да обезбедат хуманитарна помош за населението. Документот беше усвоен од сите 15 земји-членки на Советот. Резолуцијата ги повикува „сите страни веднаш да ја прекинат воената акција“ и да се придржуваат кон „хуманитарната пауза најмалку 30 дена, низ цела Сирија“.
Ова ќе создаде услови за „непосредна испорака на хуманитарна помош“ на населението, како и „евакуација на сериозно болни и повредени“. Според резолуцијата, прекинот на огнот нема да важи за операции против „Исламска Држава“ и други терористички организации.
Спонзорирано:
