Меѓународниот аеродром во Мале, главниот град на Малдивите, е единствен кој нуди интернационални летови во оваа островска држава во јужна Азија.
https://www.youtube.com/watch?v=e1xnyYHDATs
Се наоѓа на островчето Хулхуле, во близина на главниот остров Мале.
Некогаш аеродромот го носел името на првиот малдивски претседател Ибрахим Насир, а денес се нарекува Меѓународен аеродром Велана.
На ова островче во Индискиот Океан аеродромот првпат е отворен во октомври 1960 година. Тогаш имал само челична писта со димензии од 23 на 914 метри.
Со порастот на бројот на туристи во оваа егзотична дестинација, аеродромот бил реновиран и проширен.
Островот-аеродром денес содржи и метеоролошка станица и хотел наменет за патниците на кого Малдиви им е транзитна земја.
И додека некои уживаат во спектакуларната глетка додека слетуваат и полетуваат од овој аеродром, многумина се исплашени од фактот што пистата е широка 45 и долга 3.200 метри, а се наоѓа на надморска височина од само два метра.
