Министерот за надворешни работи на Украина, Дмитро Кулеба, денеска изјави дека одржувањето на руските избори на окупираните територии на Украина е незаконско и неважечко.
Тој истакна дека изборната кампања во Донецк, Луганск, Запорожје, Херсон и во Крим е уште една демонстрација на руското „континуирано непочитување на меѓународното право“.
„Присилувањето милиони украински граѓани што живеат на привремено окупираните територии или насилно преместени таму да учествуваат на таканаречените избори е еднакво на нелегално“, додаде Кулеба.
Министерството ги повика Украинците да не гласаат на претседателските избори на 15-17 март, кои, како што пишува „Ројтерс“, ќе му овозможат на Владимир Путин да го престигне Јосиф Сталин како владетел со најдолг стаж во Русија.
