Стејт департментот вечерва ги повика американските граѓани во Либан да ја напуштат земјата поради непредвидливата безбедносна ситуација додека се достапни комерцијални летови, додавајќи дека летовите за евакуација со помош на американската војска веројатно нема да бидат можни.
„Треба да имате план за акција за кризни ситуации што не се потпира на помошта на американската влада. Најдобро време за напуштање на земјата е пред криза, ако воопшто е можно“, се вели во соопштението.
Се додава дека евакуацијата на цивили од странска земја со помош на американската војска е ретка.
„Нема гаранција дека американската влада ќе ги евакуира граѓаните на САД и членовите на нивните семејства во кризна ситуација. Во случај да дојде до евакуација со помош на американската војска, нашиот фокус ќе биде да им помогнеме на граѓаните на САД“, Стејт департментот кажа.
Се посочува дека американската влада генерално не може да обезбеди превоз во земјата за време на криза.
„Нема да можете да носите домашни миленици со себе при каква било евакуација спроведена од страна на американската војска од Либан. Ќе мора да потпишете задолжница за да и ги надоместите на американската влада трошоците направени во случај на асистирана евакуација“, се вели во соопштението. кажа.
