Српски туристи сведочат за хоророт што го доживеале на грчкиот остров Родос, каде што беснеат пожарите.
Нема повредени патници од Србија, а речиси 34 од нив се евакуирани, пренесуваат српските медиуми.
Некои туристи побегнаа од пеколот на Родос во некои други делови на Грција.
Една од нив е Тијана Ј., која е една од администраторите на групата „Во живо од Грција“.
„Пријатели, пристигнав во Атина. На Родос е пекол. И верувајте ми, тоа е мал збор. Тоа што се случува таму не може да се опише ниту со зборови ниту со фотографии“, вели Тијана.
„Чадот што го вдишувате и сите чувства што ги доживувате, ниту еден американски филм не може да ви го претстави“, рече таа.
Додава дека се случува целосна неорганизираност на власта и толпа разочарани туристи, пред сѐ, а потоа и обични луѓе, кои се трудат да спасат парче од својата земја и од она што го стекнале со децении.