На петтиот ден по полициското убиство на 17-годишниот Нахел М., насилните немири продолжија изминатата ноќ низ Франција, но според министерот за внатрешни работи Жералд Дерманин, било помирно и помалку насилно од претходните денови, иако вкупно 486 демонстрантите беа уапсени.
Во саботата ширум Франција беа мобилизирани и распоредени 45.000 полицајци и жандарми. Само во Париз беа уапсени 196 лица, а во Марсеј 65, пренесува BFMTV.
Младиот Нахел М, кој беше убиен од полицаец за време на рутинска сообраќајна контрола во вторникот, беше погребан во саботата на гробиштата Мон Валериен во Нантер во присуство на неговата мајка, баба и неколку стотици луѓе кои дојдоа да се простат од него.
Церемонијата завршила околу 17:30 часот и била многу мирна, со присуство на голем број млади луѓе, дознава BFMTV од лице кое присуствувало на погребот. Полицаецот (38) кој го испукал смртоносниот истрел доби кривична пријава за убиство со умисла и во четвртокот му е одредена мерка притвор.
