Состојбата во Хрватска од час на час станува сè подраматична, а според последните информации утрово попуштил и привремениот насип кај Сисак поради што војската и полицијата итно тргнале кон тој град за да спречат појава на поголема материјална штета.
Членовите на здружението за јавање коњи КАС продолжуваат со спасувањето на животните, пишува „Дневник.хр“.
„Ништо не е во ред, мораме да ги спасиме коњите. Сите наши документи и сè што имаме е потопено. Работевме 20 години за да го изградиме ова здружение, а сега изгубивме сè“, рекол Анита Трстењак, секретар на здружението КАС.
Инаку, врвот на водниот бран се движи кон исток и се очекува денеска околу Сисак и Петриња, пишува „N1 Загреб“.
Најкритична е состојбата во Хрватска Костајница, каде во последните неколку часа водостојот на реката Уна стагнира, но подземните води продолжуваат да навлегуваат.
