Министерството за одбрана на Обединетото Кралство утрово објави извештај во кој се наведува дека во текот на изминатите четири дена, делови од 72-та одделна моторизирана бригада на Русија (72-та SMRB) најверојатно хаотично се повлекле од своите позиции на јужното крило на операцијата Бахмут.
Според Министерството, украинските сили вратиле најмалку еден километар територија.
Областа има одредено тактичко значење бидејќи беше руски мост на западната страна на каналот Донец-Донбас, додаваат тие.
72-та одделна моторизирана бригада на Русија е дел од Третиот армиски корпус, формација создадена минатата есен и која има проблеми со моралот на единицата уште од првиот ден. Во контекст на овој корпус, често се зборува за ограничена борбена ефикасност.
Нивното распоредување во толку тежок и оперативно важен сектор го истакнува сериозниот недостаток на достојни воени единици меѓу Русите, пишуваат Британците.
