Дванаесет полицајци и пожарникари се повредени денеска во експлозијата во станбена зграда во градот Ратинген во западна Германија, соопшти полицијата.
Полицијата и пожарникарите биле повикани на помош за немоќно лице, а кога пристигнале на вратата од станот одекнала експлозија.
#Ratingen +++ Auf den Dächern der Nachbar-Gebäude haben Scharfschützen der Polizei Stellung bezogen. pic.twitter.com/bmGlVitpIz
— Andreas Wegener (@Andreas_Wegener) May 11, 2023
Некои од повредените пожарникари и полицајци се со тешки повреди, а лекарите се борат за нивниот живот. Специјалци упаднале во станот каде одекнала експлозијата и уапсиле 60-годишен маж кој е осомничен дека намерно го активирал експлозивот при што беа повредени пожарникарите и полицајците. Регионалниот министер за внатрешни работи објави дека зад нападот стои маж кој бил следбеник на терории на заговор и спаѓа во кругот на луѓе кои го негирале коронавирусот.
Во станот е пронајдено и женско тело, а полицијата се обидува да го утврди нејзиниот идентитет.
