Воени авиони извршија напади во Картум додека жестоките борби меѓу суданската армија и паравоените единици влегоа во третата недела, и покрај обновениот прекин на огнот.
Судан западна во хаос и беззаконие откако избија борби на 15 април меѓу силите лојални на воениот командант Абдел Фатах ал-Бурхан и неговата десна рака Мохамед Хамдан Дагло, кој командува со паравоените сили за брза поддршка (РСФ).
Бурхан и Дагло се согласија на повеќекратни прекини на огнот од почетокот на конфликтот, но ниту еден не стапи на сила, при што секоја страна ја обвинува другата за прекршување.
Последниот тридневен прекин на огнот беше договорен во четвртокот по посредство на Соединетите држави, Саудиска Арабија, Африканската унија и Обединетите нации со цел да се обезбеди потрајно примирје.
Жителите ширум Картум, дом на пет милиони луѓе, главно се засолнети дома и покрај тоа што снабдувањето со храна и вода се намалува на опасно ниско ниво и прекин на електричната енергија.
Некои успеаја да се искрадат само за време на краткото затишје во борбите за да купат очајно потребни залихи.
