Студентката од Универзитетот во Дејтон, Квин Мофет (22), била пронајдена мртва во бањата од куќата на своето момче, а властите веруваат дека се работи за случајно предозирање со дрога. Сепак, мајка ѝ Мери Мофет ја обвинува фудбалската ѕвезда на Универзитетот во Мичиген за смртта на ќерката.
Како што пишува „Мирор“, мајката на починатото девојче тврди дека ќерка ѝ била силувана од фудбалерот, додека неговите тројца пријатели ја гледале.
Мери Мофет напиша писмо до спортскиот директор на Универзитетот во Мичиген, Вард Мануел, и до фудбалскиот тренер Џим Харбау поради загубата на ќерката.
Фудбалскиот тренер Харбо се огласил откога го прочитал писмото и рекол дека не сака таква личност во неговиот тим или таква личност што го претставува училиштето.
Писмото од мајката на починатото девојче заврши во рацете на полицијата на универзитетскиот кампус, а потоа и кај Обвинителството.
Меѓутоа, бидејќи жртвата била мртва, полицијата одлучила дека случајот не вреди да се истражува.
Кари Сајмон, адвокатка што ги застапува жртвите на сексуален напад, одлуката ја нарече загрижувачка.