Се запали траект со 250 патници и членови на екипажот, а најмалку 30 лица загинаа, додека седум се водат како исчезнати на Филипините, изјави денеска гувернерот на провинцијата.
Многумина од оние што избегаа скокнаа од траектот во паника од интензитетот на пожарот и беа извлечени од крајбрежната стража, морнарицата, друг траект и локален рибар, изјави гувернерот на провинцијата Базилан, Џим Хатаман.
#Basilan #Philippines🇵🇭- A fire has erupted onboard the M/V LADY MARY JOY 3 ship at the waters off #BalukBaluk Island in #HadjiMuhtamad, casualties also reported, as Philippine Coast Guard response underway pic.twitter.com/bCKAMx0wTj
— CyclistAnons🚲 (@CyclistAnons) March 30, 2023
Гувернерот додаде дека повеќето од луѓето биле спасени во текот на ноќта, но властите дополнително ги проверуваат информациите од различни извори, што укажува дека бројките би можеле да бидат различни.
Меѓу загинатите има и три деца, кои најверојатно се одвоени од нивните родители, а најмалку 23 патници се повредени и пренесени во болници, додаде гувернерот.
Повеќето од жртвите се удавија, а подоцна беа пронајдени на море, соопштија официјални лица.