Два хеликоптери на американската армија Black Hawk се урнаа за време на тренинг инцидент вчера вечерта во округот Триг, Кентаки, соопштија тамошните власти.
Хеликоптерите Black Hawk од 101-та воздухопловна дивизија биле на „рутинска мисија за обука“ кога се урнале околу 22 часот по локално време.
Гувернерот Енди Бешеар од Кентаки рече дека добил „рани извештаи за пад на хеликоптер и дека се очекуваат жртви“. Државната полиција на Кентаки и Одделот за управување со вонредни состојби веднаш реагираа, рече тој во соопштението.
„Ќе споделиме повеќе информации кога ќе станат достапни“, рече Бешеар.
Според американските медиуми, загинале неколку членови на екипажот, но оваа информација се уште не е официјално потврдена.
