Руски воен авион за набљудување А-50 бил оштетен во напад со дрон на аеродром во близина на белоруската престолнина Минск, потврдија членовите на белоруската опозиција во егзил, а лидерката на опозицијата Свјетлана Тихановска изјави дека е горда на нив.
– Горда сум на сите Белоруси кои продолжуваат да се спротивставуваат на руската хибридна окупација на Белорусија и се борат за слободата на Украина – напиша Тихановска.
Како што рече Александар Азаров, шеф на белоруската антивладина организација BYPOL, станува збор за беспилотни летала, а учесниците во операцијата биле Белоруси.
Советникот на Тихановска на Твитер посочи дека ова е најуспешниот чин на саботажа од почетокот на 2022 година.