Земјотрес со јачина од 4,5 степени според Рихтеровата скала денеска го погоди источниот дел на Турција, јавува ЕМСЦ.
Земјотресот се случил во 16 часот и 15 минути по локално време, а епицентарот бил на длабочина од два километри во близина на Адијаман.
Засега нема информации за нови жртви, а не се знае ниту дали овој земјотрес предизвикал нови штети.
Да потсетиме, минатиот понеделник два разорни земјотреси погодија делови од Турција и Сирија.