Според последните информации кои пристигнуваат, најмалку 4.300 луѓе загинале во разорните земјотреси во јужна Турција и Сирија.
Илјадници луѓе беа повредени, а многумина беа затрупани под урнатините на бројните згради кои се урнаа како последица на земјотресот.
Во тек е огромна спасувачка операција, но потрагата на спасувачите по преживеани е отежната поради студеното време.
На социјалните мрежи се појавуваат се повеќе видеа од Турција и Сирија. На една од нив се прикажани луѓе кои спасувачите успеале да ги извлечат од под урнатините, а меѓу нив имало и тригодишно момче.
Момчето било заробено околу 22 часот под урнатините на зграда во Малатија.
Новинарот на ТРТ Хакан Чопур го сподели видеото на Твитер, наведувајќи дека тоа е чудо.
A miracle after 22 hours!
A 3-year-old baby was just rescued from the rubble in Malatya, one of the epicenters of #Turkiye earthquake.
— Hakan Copur (@hakancopur1) February 7, 2023