Веднаш откако Русија ја нападна Украина во февруари, почнаа да се шират гласини за човекот кој ја наредил воената операција, пишува Скај њуз.
Најчеста тема се шпекулациите за здравјето на Владимир Путин и покрај тоа што ретко има нешто повеќе од обични шпекулации.
Имено, мистеријата околу Кремљ е таква што повеќето од приказните што се појавуваат е речиси невозможно да се потврдат.
Најновото, а можеби и најлудото, во оваа серија извештаи доаѓа од каналот Телеграм со 377.000 претплатници – наречен SVR General – кој тврди дека има извор во самата служба за безбедност на рускиот претседател.
Најпривлечениот дел од предметниот извештај тврди дека Путин силно паднал по скалите во својот дом во Москва.
Како што тврдат, тоа на рускиот лидер му предизвикало „остра болка и случајна дефекација”. Се подразбира дека тоа се должи на неговата здравствена состојба и стомачната болест, за која веќе на големо се пишуваше.
Како што пренесува каналот SVR General, инцидентот се случил пред обезбедувањето на претседателот, кое брзо му пришло на помош.
Тројцата му помогнале до најблискиот кауч и ги повикале лекарите. Ваквите приказни се исклучително популарни во западните медиуми, но треба да се гледаат со екстремен скептицизам.
