Еден од проруските лидери на окупираниот украински регион Херсон, Кирил Стремусов, утринава на својот канал на „Телеграм“ објави дека ситуацијата не е променета по должина на целата линија на фронтот.
„Не гледаме никаква масовна офанзива. Во овој момент нема промени и тешки моменти за нашиот регион“, најави Стремусов.
Прорускиот лидер, кој беше назначен од Москва, тврди дека украинските сили собрале повеќе од 1.000 војници во предградијата на Херсон, но и покрај бројната супериорност на вооружените сили на Украина, руските војници се специјалисти во својата област.
Овие тврдења не се независно потврдени.
Спонзорирано: