Русија и САД продолжуваат со целните контакти во оние сфери каде што е најпотребно, а Москва останува отворена за заемно корисен дијалог, изјави денеска портпаролката на руското Министерство за надворешни работи, Марија Захарова.
„Ќе го кажам она што отсекогаш го зборувавме, дека одржуваме, ајде да го наречеме, насочен контакт со САД за прашањата што се појавуваат. Отворени сме за секаков вид заемно корисни разговори“, изјави Захарова во ТВ-емисијата „Соловјов во живо“.
Захарова нагласи дека, со оглед на тоа што контактите на руските и американските служби остануваат селективни, „тие секако немаат врска со концептот на целосни односи“.
Спонзорирано:
