Разгранок на Украинската православна црква најави дека ќе им дозволи на своите цркви да го слават Божик на 25 декември иако во православието тој традиционално се слави на 7 јануари, јавува Си-ен-ен.
Соопштението на Украинската православна црква, која има седиште во Киев, дополнително ги наруши односите со Руската православна црква, кои веќе беа разнишани од руската инвазија на Украина.
Оваа одлука е донесена „поради многубројните барања земајќи ја предвид дискусијата што се води во Црквата со години, која сѐ повеќе се вжештува во јавноста поради војната“, соопшти Украинската православна црква на 18 октомври.
Секоја црква ќе може да избере дали сака да го слави Божик на 25 декември според грегоријанскиот календар или на 7 јануари според јулијанскиот календар, кога го слави и Руската православна црква.
Оваа информација не е чудна бидејќи во изминатите неколку години голем дел од православната заедница во Украина се повеќе се оддалечува од Москва, а тој процес дополнително го забрза конфликтот со Русија, кој трае од 2014 година.
Овој расцеп стана уште повидлив кога во 2018 година цариградскиот патријарх Вартоломеј I, грчки свештеник, кој се смета за духовен водач на православните верници во светот, го поддржа формирањето независна православна црква на Украина и го отповика вековниот договор според кој му даде на патријархот во Москва власт над црквите во Украина.
Московската патријаршија на Руската православна црква, која е тесно поврзана со рускиот претседател Владимир Путин, одговори на овој потег со прекин на врските со Вартоломеј.
По ова, водачите на Украинската православна црква (УПЦ), разгранок што формално беше потчинет на Московската патријаршија на Руската православна црква, во мај ги прекинаа сите врски со неа и со патријархот Кирил, кој му даде поддршка на Путин и цврсто стоеше зад него.
Украинската православна црква во соопштение соопшти дека донеле одлука за „целосна независност и автономија“ на Украинската црква.
Овој потег на ООК го разбесни Путин, кој го врати таканаречениот руски свет како основа на неговата надворешна политика, која целосно го негира украинскиот национален идентитет.
Патријархот Кирил сѐ уште целосно ја поддржува инвазијата на Украина, а во септември рече дека на руските војници што ќе загинат во војната со Украина ќе им биде простено за сите нивни гревови.
Се жртвуваат за другите, сигурен сум дека поради таквата жртва, ќе им се простат сите гревови“, изјави тогаш Кирил, пренесуваат медиумите.
