Страшната снимка од соседството, на која татко ја тепа својата 14-годишна ќерка, ја шокира јавноста, а во меѓувреме против него е поведена истрага.
Кинески државјанин, кој привремено живее во Србија, на тренинг ја претепал својата 14-годишна ќерка. На видеото кое со денови кружи на интернет може да се види како ја удира со шлаканици и клоци. Таткото не бил задоволен од она што го прикажува ќерка му на тренинзите.
Утврдено е дека насилникот е склон кон инциденти, а еден таков предизвикал и во тениската академија на познатиот српски тенисер Јанко Типсаревиќ. Тоа се случило пред речиси два месеца, а според информациите што пристигнуваат од Србија, таткото на кинеското девојче нападнал и удрил еден од тренерите.
Откако физички се пресметал со тренерот, бил избркан од академијата поради што морал да бара нов клуб.
На еден од терените во новиот клуб се случи последниот инцидент. Случајот бил пријавен во полиција, а насилникот набргу бил пронајден и приведен во спортскиот центар „Бањица“.
