Кина целосно ја затвори областа околу најголемата фабрика за „ајфон“ во светот кога работниците во паника ја напуштија областа за да избегаат од најновата појава на коронавирус.
На повеќе од 600.000 луѓе им е наредено да останат во своите домови во Женгжу откога градот пријави 64 случаи на коронавирус.
Наредбата дојде откако работниците што склопуваа „ајфон“ бво фабриката управувана од тајванскиот технолошки гигант „Фокскон“, која вработува стотици илјади работници, беа видени како бегаат од фабриката.
Кампусот работеше под систем каде што вработените спијат, живеат и работат изолирани од поширокиот свет во фабриката.
Но, вработените се пожалија на лошите услови велејќи дека луѓето што биле позитивни на тестот не добиле третман и дека компанијата не успеала да го спречи ширењето на вирусот.
„Фокскон“ рече дека секојдневно ги тестира вработените и ги држи во затворена јамка и дека им нуди превоз на оние што сакаат да заминат по појавувањето на видеата.
Компанијата соопшти дека болните вработени се лекуваат, но не соопшти дали сè уште се има нови инфекции.
Локалните власти во областа околу градот Женгжу побараа од работниците на „Фокскон“ да се регистрираат кај властите доколку се вратат дома и да поминат неколку дена во карантин по пристигнувањето.
Компанијата додаде дека ќе ги зголеми четирикратните бонуси за вработените што сакаат да останат во фабриката за време на избувнувањето на вирусот.
