Најмалку 153 лица загинаа во смртоносното стампедо по повод Ноќта на вештерките во преполната зона за ноќен живот во јужнокорејската престолнина Сеул.
Јужнокорејскиот претседател Јун Сук-Јол прогласи национална жалост и изрази сочувство за жртвите и им посака брзо закрепнување на повредените.
„Ова е навистина трагично. Трагедија и катастрофа што не требаше да се случи синоќа се случија во срцето на Сеул“, рече тој во изјавата.
Полицијата во Сеул соопшти дека го потврдила идентитетот на речиси сите загинати. Потврден е идентитетот на 150 загинати лица, изјави полицијата за Си-Ен-Ен во неделата. Бројот на загинатите во катастрофата е 153.
Еден од преживеаните раскажал како панично врескал: „Не туркајте, луѓето паднаа!
На социјалните мрежи се шират видеа со вознемирувачка содржина! На снимката се гледаат стотици луѓе набиени во тесен, наведнат уличка, згмечени и неподвижни, додека работниците за итна помош и полицијата се обидуваат да ги извлечат.
Други снимки покажуваат хаотични сцени во кои пожарникарите и обичните граѓани им помагаат на десетици луѓе кои изгледаат како да се во несвест.
На едно од видеата може да се види како се создава тесно грло во уличката и се создава метеж од луѓе кои потоа не можеле да се движат и очајно дишеле за воздух додека полицајците се обидувале да ги извлечат луѓето од првите редови.
