Високиот функционер на украинската полиција Јевхен Жуков објави дека е пронајдена масовна гробница со 180 тела, меѓу кои и деца, во Лиман во областа Доњецк.
– Ослободениот град Лиман во Доњецката област. Овде е откриена масовна гробница во која се закопани 180 луѓе – напиша Жуков на Телеграм, пренесе Укринформ.
Според неговите тврдења, во масовна гробница наводно биле пронајдени цели семејства, а меѓу нив имало и тела на деца.
Жуков не понуди докази за да ги потврди овие наводи, а Москва сè уште не го коментираше ова прашање.
