„Го осудувам трендот на регистрација на клубови со имиња на историски фигури кои биле дел од оската на Хитлер, како тоа на Ванчо Михајлов. Сметам дека тоа е провокација“ изјави министерката за кулутра Бисера Костадиновска-Стојчевска во „Жешко политичко лето“ на Канал 5.
Таа, сепак, потенцираше дека токму ВМРО-ДПМНЕ е таа која што го промовираше Ванчо Михалов во земјава и го овековечи, правејќи му восочна фигура.
„За прашањето дали некој ја направил Македонија рај за фашисти, добро е да се знае дека на својот прв конгрес по осамостојувањето на земјава, самите ВМРО-ДПМНЕ донесоа декларација дека ќе се придржуваат на начелата на она ВМРО, чив последен претседател беше токму Иван Михајлов“ рече Костадиновска-Стојчевска.
Министерката за култура во емисијата кажа дека провокации во ова деликатно време не се потребни, ниту добредојдени ни за Бугарија ни за Северна Македонија.
