Германската железница (Deutsche Bahn DB), како еден од најголемите потрошувачи на електрична енергија во земјава, како дел од акцијата за заштеда на енергија, сака на сите вработени да им исплати бонус од 100 евра за да ги мотивира да штедат.
„Без разлика дали станува збор за осветлување, греење или користење на скалите наместо лифтот, дури и малите заштеди на крајот можат да додадат значителна сума“, рече шефот за човечки ресурси на ДБ, Мартин Сеилер.
Бонусот изнесува 100 евра, а дополнителни 50 евра за работниците со идеи за дополнителна заштеда
Сто евра бонус за повеќе од 200.000 вработени ќе чини околу 20 милиони евра, за кои концернот верува дека ќе може да заштедат на струја преку дополнителна мотивација на вработените.
Секоја идеја што придонесува за дополнителна заштеда на енергија администрацијата ќе ја награди со дополнителни 50 евра. Од вторникот вечерта, ЛЕД панелите за осветлување на административната зграда на ДБ на плоштадот Потсдам во Берлин се исклучени. Слични подготовки се прават и со останатите административни згради на компанијата.
Со околу десет терават часови годишно, ДБ е еден од најголемите потрошувачи на електрична енергија во Германија. Повеќе од 62 отсто од потрошената енергија сега доаѓа од електрична енергија од обновливи извори.
Како подготовка за можен недостиг на гас, кој делумно се користи за производство на електрична енергија, федералните и покраинските власти донесоа уредби за зачувување на енергијата кои вклучуваат правила за ограничување на загревањето на јавните простори оваа зима.
